Новы рэзідэнт СЭЗ "Гроднаінвест" створыць вытворчасць сродкаў асабістай гігіены

3 сакавіка, Гродна /Кар. БЕЛТА/. У якасці рэзідэнта СЭЗ "Гроднаінвест" зарэгістравана таварыства з абмежаванай адказнасцю з інвестыцыйным праектам па стварэнні сучаснай вытворчасці сродкаў асабістай гігіены на аснове паперы. Аб гэтым БЕЛТА праінфармавалі ў свабоднай эканамічнай зоне.

Інвестыцыйны праект прадугледжвае стварэнне на ўчастку нумар 1 сектар 1 (раён "Грандзічы") СЭЗ "Гроднаінвест" у Гродне сучаснага прадпрыемства па вытворчасці папяровых санітарна-гігіенічных вырабаў: туалетнай паперы, папяровых ручнікоў, сталовых і касметычных сурвэтак, папяровых насавых хустачак.

З мэтай арганізацыі вытворчага працэсу прадпрыемствам запланавана набыццё сучасных вытворчых ліній і іншага неабходнага абсталявання. Прадукцыя будзе вырабляцца на аснове цэлюлознага валакна і прызначана для аднаразовага выкарыстання.

Рэалізацыя праекта дасць магчымасць стварыць каля 30 рабочых месцаў, а выпускаемая прадукцыя будзе пастаўляцца як на ўнутраны рынак Рэспублікі Беларусь, так і на экспарт у Расійскую Федэрацыю. Агульныя інвестыцыйныя затраты складуць больш як 5 млн еўра.-0-