Мінэнерга выдзеліць Br1,5 млн на рэканструкцыю кацельні ў Ашмянах

16 жніўня, Мінск /Кар. БЕЛТА/. Міністэрства энергетыкі па даручэнні Савета Міністраў, як указана ў пастанове ўрада ад 15 жніўня нумар 594, выдзеліць у 2024 годзе Br1,5 млн на рэканструкцыю кацельні ў Ашмянах, паведамляе БЕЛТА са спасылкай на Нацыянальны прававы інтэрнэт-партал.

Сродкі з пазабюджэтнага цэнтралізаванага інвестыцыйнага фонду міністэрства будуць выдзелены Ашмянскаму раённаму ўнітарнаму прадпрыемству жыллёва-камунальнай гаспадаркі на бязвыплатнай аснове і пойдуць на рэалізацыю праекта "Рэканструкцыя кацельні нумар 1 па вул. Будаўнікоў у Ашмянах з заменай кацельнага абсталявання".

Пракантраляваць мэтавае выкарыстанне сродкаў Саўмін даручыў Гродзенскаму аблвыканкаму.-0-