Лукашэнка павіншаваў супрацоўнікаў міліцыі з прафесійным святам

4 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў ветэранаў, ваеннаслужачых і супрацоўнікаў органаў унутраных спраў і ўнутраных войскаў МУС з прафесійным святам - Днём міліцыі. Аб гэтым БЕЛТА паведамілі ў прэс-службе беларускага лідара.

"Гэты дзень звязвае эпохі і лёсы пакаленняў - людзей, якія стаялі ля вытокаў фарміравання органаў правапарадку рэспублікі больш як стагоддзе таму, і тых, хто забяспечвае бяспеку і абарону грамадзян краіны сёння", - гаворыцца ў віншаванні.

Кіраўнік дзяржавы адзначыў, што гісторыя беларускай міліцыі, пачынаючы з першых рабоча-сялянскіх атрадаў, якія ўзялі на сябе абавязацельства забяспечваць парадак на вуліцах нашых гарадоў і вёсак, міліцыянераў, якія першымі прынялі ўдар ворага ў гады Вялікай Айчыннай вайны, - гэта летапіс мужнасці і самаахвярнасці.

Прэзідэнт падзякаваў усім, хто прадаўжае традыцыі адданага служэння закону і народу, - ветэранам і дзеючым супрацоўнікам органаў унутраных спраў, ваеннаслужачым унутраных войскаў МУС. "Штодзень вы процістаіце злачыннасці, абараняеце правы грамадзян, часта рызыкуючы ўласнымі жыццямі. У многім дзякуючы вашаму прафесіяналізму, гатоўнасці дзейнічаць і браць на сябе адказнасць за захаванне законнасці і парадку ў грамадстве мы захоўваем у краіне мір і стабільнасць", - падкрэсліў беларускі лідар.

Аляксандр Лукашэнка пажадаў ветэранам, ваеннаслужачым і супрацоўнікам органаў унутраных спраў і ўнутраных войскаў МУС моцнага здароўя, шчасця і новых поспехаў у службе ў імя міру і дабрабыту роднай Айчыны.

Віншаванне Прэзідэнта Беларусі з Днём міліцыі

Прэзідэнт Рэспублікі Беларусь

Ветэранам, ваеннаслужачым і супрацоўнікам органаў унутраных спраў і ўнутраных войскаў МУС Рэспублікі Беларусь

Паважаныя таварышы!

Віншую вас з прафесійным святам - Днём міліцыі.

Гэты дзень звязвае эпохі і лёсы пакаленняў - людзей, якія стаялі ля вытокаў фарміравання органаў правапарадку рэспублікі больш як стагоддзе таму, і тых, хто забяспечвае бяспеку і абарону грамадзян краіны сёння.

Гісторыя беларускай міліцыі, пачынаючы з першых рабоча-сялянскіх атрадаў, якія ўзялі на сябе абавязацельства забяспечваць парадак на вуліцах нашых гарадоў і вёсак, міліцыянераў, якія першымі прынялі ўдар ворага ў гады Вялікай Айчыннай вайны, - гэта летапіс мужнасці і самаахвярнасці.

Дзякую ўсім, хто прадаўжае традыцыі адданага служэння закону і народу, - ветэранам і дзеючым супрацоўнікам органаў унутраных спраў, ваеннаслужачым унутраных войскаў МУС Рэспублікі Беларусь. Штодзень вы процістаіце злачыннасці, абараняеце правы грамадзян, часта рызыкуючы ўласнымі жыццямі. У многім дзякуючы вашаму прафесіяналізму, гатоўнасці дзейнічаць і браць на сябе адказнасць за захаванне законнасці і парадку ў грамадстве мы захоўваем у краіне мір і стабільнасць.

Жадаю вам моцнага здароўя, шчасця і новых поспехаў у службе ў імя міру і дабрабыту роднай Айчыны.

Аляксандр Лукашэнка,
4 сакавіка 2025 года.-0-