Будзем у гэта міжсезонне з бульбай і яблыкамі? Міністр расказаў пра ўраджай і закладку ў стабфонды

Беларусы ў гэтым міжсезонні будуць поўнасцю забяспечаны бульбай і іншай агароднінай з баршчовага набору, а таксама яблыкамі, неабходныя аб'ёмы закладваюцца ў стабфонды і будуць пастаўлены ў гандлёвыя сеткі і сацыяльныя аб'екты. Аб гэтым расказаў журналістам па выніках даклада кіраўніку дзяржавы міністр сельскай гаспадаркі і харчавання Юрый Горлаў, перадае карэспандэнт БЕЛТА.

Асобнай тэмай даклада стала работа стабілізацыйных фондаў. "Забеспячэнне насельніцтва агароднінай, бульбай - гэта важнейшая задача нашай дзяржавы. Сёлета стабілізацыйныя фонды перафармаціравалі ў дзяржзаказ, і сёння вытворцы пладова-агародніннай прадукцыі і бульбы абавязаны паставіць той аб'ём, які неабходны для нашага насельніцтва. Праведзена вялікая работа сумесна з Міністэрствам антыманапольнага рэгулявання і гандлю, прыняты адпаведныя нарматыўныя дакументы, пасеяна неабходная колькасць агародніны, бульбы", - сказаў Юрый Горлаў.

Міністр таксама прывёў прыклады з лічбамі. "Для задавальнення патрэбнасцей насельніцтва праз гандлёвыя сеткі і сацыяльныя аб'екты нам патрэбна 59 тыс. т бульбы, а мы вырошчваем 1 млн т. Гэта літаральна 6 працэнтаў ад аб'ёму вытворчасці. Такая ж сітуацыя і па астатняй агародніне, па баршчовым наборы - моркве, капусце, цыбулі, сталовых бураках. Ад 12 працэнтаў да 42 працэнтаў мы закладваем у дзяржўзаказ ад вытворчасці усёй агародніннай прадукцыі", - адзначыў ён.

Паводле яго слоў, з яблыкамі ў гэтым годзе сітуацыя крыху больш складаная, чым у мінулым. "З-за замаразкаў у маі мы недаатрымаем той ураджай, які планавалі. Але 27 тыс. т яблыкаў сартоў, якія добрая захоўваюцца, патрэбны па дзяржзаказе, а ў нас у бягучым годзе ёсць 40 тыс. т. Гэта значыць айчыннымі яблыкамі закрываецца той аб'ём, які неабходны для дзяржзаказу. Мы не гаворым аб тым, што гэтым будзем абмяжоўвацца. Умоўна, у нас больш за 50 працэнтаў яблыкаў такіх сартоў вырошчваецца ў Брэсцкай вобласці, вядома ж, адтуль іх будуць пастаўляць у іншыя рэгіёны. Могуць завозіць і невялікі аб'ём імпарту, які таксама будзе прысутнічаць на нашых прылаўках", - абазначыў кіраўнік Мінсельгасхарча.

"Пытанне па стабілізацыйных фондах мы з міністрам антыманапольнага рэгулявання і гандлю трымаем практычна штодзень на кантролі. Таму непакоіцца, што на прылаўках нашых магазінаў будзе адсутнічаць тая ці іншая прадукцыя, абсалютна не трэба. Прадукцыя ёсць у кратных памерах. Цэны вызначаны Мінсельгасхарчам, МАРГ узгадніў іх. Гэта тыя аптымальныя, адэкватныя цэны, якія складваюцца на рынку на сёння", - зрабіў акцэнт Юрый Горлаў.-0-