Лукашэнка павіншаваў Гродзенскую пагрангрупу з 80-годдзем з дня ўтварэння

3 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў камандаванне, асабовы склад і ветэранаў Гродзенскай пагранічнай групы з 80-годдзем з дня яе ўтварэння. Аб гэтым БЕЛТА паведамілі ў прэс-службе кіраўніка дзяржавы. "Воіны ў зялёных фуражках заўсёды былі прыкладам адданага служэння краіне і народу, - гаворыцца ў віншаванні. - Навечна ў нашай памяці застанецца подзвіг савецкіх пагранічнікаў, якія першымі прынялі на сябе ўдар нямецка-фашысцкіх захопнікаў у чэрвені 1941 года. Ужо ў пасляваенныя гады асаблівыя мужнасць і гераічнасць праявіў асабовы склад 16-га пагранічнага атрада ў проціборстве з бандфарміраваннямі". Кіраўнік дзяржавы адзначыў, што цяпер Гродзенская пагрангрупа займае адно з ключавых месцаў у сістэме тэрытарыяльных органаў пагранічнай службы краіны, забяспечваючы непарушнасць значнага ўчастка заходняй граніцы Беларусі. "Перакананы, што кожны з вас і ў далейшым будзе рабіць усё магчымае, каб выканаць свой абавязак перад Айчынай і надзейна абараніць яго свяшчэнныя рубяжы", - падкрэсліў беларускі лідар. Асаблівыя словы ўдзячнасці Аляксандр Лукашэнка адрасаваў ветэранам-пагранічнікам: "Вашы актыўная жыццёвая пазіцыя, бясцэнны вопыт і веды сёння як ніколі патрэбны для выхавання падрастаючага пакалення ў духу патрыятызму і любові да Радзімы". Прэзідэнт пажадаў камандаванню, асабоваму складу і ветэранам Гродзенскай пагранічнай групы, а таксама іх сем'ям моцнага здароўя, дабрабыту і далейшых поспехаў на карысць роднай Беларусі.-0-