Гродзенскаму шклозаводу ў 2025 годзе выдзеляць Br16 млн з інавацыйнага фонду аблвыканкама

19 снежня, Мінск /Кар. БЕЛТА/. Пастановай Савета Міністраў нумар 958 ад 17 снежня 2024 года прадугледжана, што сродкі інавацыйнага фонду Гродзенскага аблвыканкама могуць накіроўвацца ААТ "Гродзенскі шклозавод" на выплату асноўнага доўгу і працэнтаў па крэдыце Банка развіцця, выдадзенага на рэалізацыю інвестпраекта. Адпаведны дакумент апублікаваны на Нацыянальным прававым інтэрнэт-партале, паведамляе БЕЛТА. Крэдытныя сродкі Гродзенскі шклозавод атрымаў на рэалізацыю інвестыцыйнага праекта па стварэнні вытворчасці шкляной тары з выкарыстаннем інавацыйных энергаэфектыўных і рэсурсазберагальных тэхналогій. Пастановай прадугледжана магчымасць выдзялення ў 2024 годзе ў суме Br6 млн, у 2025-м - у суме Br16 млн. Дакумент уступіў у сілу з дня яго прыняцця.-0-