Саўмін зацвердзіў графік пераносу рабочых дзён у 2025 годзе

Пастановай Савета Міністраў ад 14 лістапада 2024 года нумар 839 зацверджаны графік пераносу рабочых дзён у 2025 годзе,  паведамляе БЕЛТА  са спасылкай на Нацыянальны прававы інтэрнэт-партал. У 2025 годзе будуць перанесены: 6 студзеня (панядзелак) - на суботу 11 студзеня; 28 красавіка (панядзелак) - на суботу 26 красавіка; 4 ліпеня (пятніца) - на суботу 12 ліпеня; 26 снежня (пятніца) - на суботу 20 снежня. Арганізацыям з улікам спецыфікі вытворчасці (работы) прадастаўлена права пераносіць рабочыя дні ў іншым парадку ў адпаведнасці з заканадаўствам.-0-