1 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў навучэнцаў, студэнтаў, аспірантаў, настаўнікаў і навукова-педагагічных работнікаў з Днём ведаў. Аб гэтым БЕЛТА паведамілі ў прэс-службе беларускага лідара.
"Першага верасня - асаблівая дата ў календары. Усіх нас аб'ядноўваюць цёплыя ўспаміны і добрыя традыцыі са школьнага дзяцінства і студэнцкага юнацтва", - гаворыцца ў віншаванні.
Словы шчырай падтрымкі ў гэты дзень кіраўнік дзяржавы адрасаваў першакласнікам. "Вашы нясмелыя і адначасова радасныя крокі па ўтульных школьных калідорах знамянуюць пачатак новага этапу жыццёвага шляху. Няхай гэта вялікая глава будзе ў вашым лёсе маляўнічай, поўнай цікавых і дзівосных адкрыццяў", - адзначыў Прэзідэнт.
Навучэнцам каледжаў, студэнтам і курсантам Аляксандр Лукашэнка пажадаў, каб гэты навучальны год стаў часам прафесійнага росту і наблізіў іх да дасягнення запаветных мэт.
Па традыцыі кіраўнік дзяржавы звярнуўся да педагогаў і бацькоў: "Сіл і цярплівасці ў вашай нялёгкай працы. Будзьце для нашых дзяцей прыкладам патрыятызму, мудрасці і любові. Перакананы, толькі разам мы зможам выхаваць адукаваную і разумную моладзь, гатовую працаваць на карысць Беларусі і абараняць яе, калі спатрэбіцца".
Прэзідэнт пажадаў усім здароўя, шчасця, невычэрпнага энтузіязму, а самым юным даследчыкам свету ведаў - у добры шлях.
Віншаванне Прэзідэнта Беларусі з Днём ведаў
Навучэнцам, студэнтам, аспірантам, настаўнікам, навукова-педагагічным работнікам
Дарагія сябры!
Віншую вас з Днём ведаў.
Першага верасня - асаблівая дата ў календары. Усіх нас аб'ядноўваюць цёплыя ўспаміны і добрыя традыцыі са школьнага дзяцінства і студэнцкага юнацтва.
Словы шчырай падтрымкі сёння адрасую першакласнікам. Вашы нясмелыя і адначасова радасныя крокі па ўтульных школьных калідорах знамянуюць пачатак новага этапу жыццёвага шляху. Няхай гэта вялікая глава будзе ў вашым лёсе маляўнічай, поўнай цікавых і дзівосных адкрыццяў.
Няхай для навучэнцаў каледжаў, студэнтаў і курсантаў гэты навучальны год стане часам прафесійнага росту і наблізіць да дасягнення запаветных мэт.
Паважаным педагогам і бацькам - сіл і цярплівасці ў вашай нялёгкай працы. Будзьце для нашых дзяцей прыкладам патрыятызму, мудрасці і любові. Перакананы, толькі разам мы зможам выхаваць адукаваную і разумную моладзь, гатовую працаваць на карысць Беларусі і абараняць яе, калі спатрэбіцца.
Жадаю ўсім здароўя, шчасця, невычэрпнага энтузіязму, а самым юным даследчыкам свету ведаў - у добры шлях.
Аляксандр Лукашэнка.
1 верасня 2026 года.-0-