У Беларусі ўдакладнены пералік медпаслуг, якія аказваюцца пры санаторна-курортным лячэнні

У Беларусі ўдакладнены пералік медпаслуг, якія аказваюцца пры санаторна-курортным лячэнні. Гэта прадугледжана пастановай Міністэрства аховы здароўя ад 28 лістапада 2023 года нумар 180, паведамляе БЕЛТА са спасылкай на Нацыянальны прававы інтэрнэт-партал.

Паслугі ў пераліку падраздзяляюцца ў адпаведнасці з медыцынскімі профілямі для накіравання грамадзян на санаторна-курортнае лячэнне. Колькасць працэдур назначаецца ў залежнасці ад тэрміну санаторна-курортнага лячэння, віду тэрапіі (сумяшчальнасці працэдур).

"Дакументам вызначана патрэбнасць грамадзян у той ці іншай медыцынскай паслузе (ахоп) ад 1 (працэдуры назначаюцца ўсім) да 0,01, што дае магчымасць планаваць аб’ёмы медыцынскай дапамогі пры правядзенні санаторна-курортнага лячэння насельніцтва", - адзначылі ў Міністэрстве аховы здароўя.

У пералік уключаны агляды ўрачоў-спецыялістаў, інструментальныя і лабараторныя даследаванні, клімататэрапія, масаж, бальнеатэрапія, гідратэрапія, тэрматэрапія, апаратная фізіятэрапія, мануальная тэрапія, рэфлексатэрапія і іншыя паслугі.

Прававы акт уступае ў сілу пасля яго афіцыйнага апублікавання.