Бясплатнае харчаванне ў новым навучальным годзе атрымаюць больш за 65 працэнтаў беларускіх школьнікаў

Бясплатнае школьнае харчаванне атрымаюць больш за 65 працэнтаў беларускіх вучняў у новым навучальным годзе. Аб гэтым журналістам паведаміла начальнік аддзела арганізацыі харчавання Акадэміі адукацыі Міністэрства адукацыі Люцыя Міхальчук, паведамляе карэспандэнт БЕЛТА.

"Плануецца, што бясплатнае харчаванне ў бягучым годзе атрымаюць больш за 65 працэнтаў школьнікаў. Напрыклад, гэта вучні з малазабяспечаных і шматдзетных сем'яў, вучні 5-11-х класаў, якія пражываюць і навучаюцца ў сельскай мясцовасці, вучні спецыялізаваных па спорце класаў і шэраг іншых катэгорый", - расказала Люцыя Міхальчук.

Яна адзначыла, што льгота ў гэтым выпадку прадастаўляецца па адной з прычын. "Астатнія вучні будуць забяспечвацца харчаваннем за бацькоўскую плату. Важна, што пры платным харчаванні бацькі кампенсуюць толькі кошт прадуктаў харчавання", - падкрэсліла прадстаўнік Акадэміі адукацыі.-0-