Абразы, жывапіс і аблачэнне. У Гродне прадставілі выставу "Пасхальнай радасці ззянне"

27 сакавіка, Гродна /Кар. БЕЛТА/. У Гродне працуе выстава "Пасхальнай радасці ззянне". Аб гэтым карэспандэнту БЕЛТА расказалі ў Гродзенскім музеі гісторыі рэлігіі.

"Выстава прысвечана гісторыі Уваскрэсення Ісуса Хрыста і звязанымі з ёй традыцыямі святкавання Вялікадня. Выстава складаецца з дзвюх частак. Адна з іх прадстаўляе апісаныя ў евангеллях падзеі апошняга тыдня перад Уваскрэсеннем. Асаблівае месца ў ёй адведзена іканаграфіі свята Вялікадня. Другая частка расказвае пра падзеі пасля Уваскрэсення да сашэсця Святога Духа на апосталаў", - адзначылі ў музеі.

Ва ўстанове культуры дадалі, што асаблівы велікодны каларыт на выстаўцы адлюстроўваецца з дапамогай экспанатаў: абразоў, помнікаў жывапісу і дэкаратыўна-прыкладнога мастацтва XVIII-XXI стагоддзяў са збораў Гродзенскага музея гісторыі рэлігіі і Гродзенскага гісторыка-археалагічнага музея. Калекцыі дапаўняюць святочныя аблачэнні, прадастаўленыя гродзенскімі свяшчэннікамі са Свята-Пакроўскага кафедральнага сабора і кафедральнага сабора Святога Францішка Ксаверыя.

Выстава будзе даступна для наведвальнікаў да 10 мая.-0-